أكد عفت نصار، نجم الزمالك السابق، إن الفريق الأبيض هو أحسن فريق بيلعب كورة في الدوري المصري حاليًا.
وقال نصار في تصريحات لبرنامج “بوكس تو بوكس” مع الإعلامي محمد شبانة على قناة “etc”: “الزمالك عنده فرصة أكبر في المنافسة عن الفترات اللي فاتت، وهو الفريق الأفضل حاليًا من حيث الأداء، وده بان في ماتش الأهلي، اللي سجل فيه هدف بعد 42 لمسة، والمفروض اللقطة دي تتحط على تيشيرتات وتفضل في التاريخ”.
وتابع: “المهم يكون فيه عدالة في الدوري، لإن التحكيم في مصر بيخدم الأهلي بس، وهو النادي الوحيد اللي مش بيتظلم”.
وأضاف: “الزمالك بيعاني ماديًا وإداريًا، وعنده نقص في بعض المراكز، وده خلاه يبتعد عن المنافسة بسبب التحكيم”.
وأكمل: “الزمالك عنده أحسن كواليتي لاعيبة في مصر، بس المشكلة في دكة البدلاء. لاعيبة زي عبدالله السعيد، زيزو، ناصر ماهر، بنتايج، دونجا، ناصر منسي، وحسام عبدالمجيد هما الأفضل في الدوري ولازم ينضموا للمنتخب”.
لمتابعة بوابة عين الحدث على فيسبوك وموقع x
واختتم كلامه: “كوكا لاعب الأهلي احتياطي، ومش فاهم إزاي بينضم للمنتخب! المفروض المدرب يختار اللاعيبة اللي بتشارك أساسي”.
